Osim po pet lakih komada koje su primili od Gvanžu Evergrandea, navijači Bejdžing Renea pamtiće današnji susret osmine finala kineskog kupa i po postavi svog tima.
Desetkovan povredama i suspenzijama, trener Bejdžinga Aleksandar Stanojević jedva je sastavio tim za utakmicu te je prijavio čak tri golmana.
U 43. minutu kod rezultata 1:0 mu se povrijedio veznjak Sun Veize. Bez ikakvih drugih rješenja na klupi, Stanojević je u igru morao ubaciti drugog golmana Liu Penga kojeg je poslao u napad.
Bejdžing, s nekoliko juniora u timu, nije imao nikakve šanse protiv jakog Gvanžua koji je već u 67. minuti vodio 5:0 i malo spustio gas. U 87. minutu Stanojeviću se povrijedio još jedan igrač u polju pa je u igru, takođe u napad, morao staviti i trećeg golmana Li Čena.
Gvanžu Evergrande je, inače, trećeplasirani tim kineske Super lige dok je Bejdžing predzadnji.
